DSWD AT NCIP NAGKAISA SA PAGGUNITA NG IP MONTH NGAYONG OKTUBRE

NAKIKIISA ang Department of Social Welfare and Development (DSWD) sa National Commission on Indigenous Peoples (NCIP) sa paggunita ng Indigenous Peoples Month at 26th Indigenous Peoples’ Rights Act (IPRA) ngayong Oktubre na may temang, “Pagpapayaman ng Pamanang Kultural at Katutubong Yaman Tungo sa mas Maliwanag na Kinabukasan para sa Bagong Pilipinas.” Alinsunod ito sa Proclamation No. 1906 na nagdedeklara sa buwan ng Oktubre ng bawat taon bilang “National Indigenous Peoples Month” upang kilalanin at protektahan ang mga karapatan ng mga katutubong kultural na komunidad/katutubong mamamayan (ICCs/IPs).